انا اخوان وكل المسلمين اخوان
فمالتصنفش اسلامي علي كيفك
حقيقتي اقوي من زيفك
وصوبعي لوحدة بكفوفك
ولاتهزش قصاد خوفك
... ياخوف يا جبان انا اخوان
بطيع الله فملكوتة
وبدعي يزيدني من فضلة ومن قوتة
واصلي واصوم
وجاهد نفسي واصبر عالبلا واحمد وحمدي يدوم
لانة الرازق الوهاب وهة مسببب الاسباب
فلية الفضل والمنة ولية الطاعة
فماتبصش لديني نظرة طماعة
انا ديني لا هو سلعة ولا بضاعة
ولا لية سوق
لا انا بايع ولا شاري
ايماني هوة راسمالي
فاصحي وفوق
مانيش اخوان علي نهجك
فلم من الدروب همجك
كفاية شقوق
مش انتة لوحك الاخوان
انا اخوان بحق الله وبالسنة وبالقران
وقت الجد انا عثمان
وقت الحرب انا حمزة
ووقت الفصل ببقي فالروق
انا اخوان علي الرحمة وعالتقوي وحب الناس
لكن عمري ماهتاخون باخونتك علي الصندوق
عينيكم فيها كل النور ومش شايفة
غباوة انك تهدد ناس ماهيش خايفة
بتهدد فمين يا حزين
دة انا الاهة اللي طلقوني
وجيعة وسارحة فالشارع
ومش ممكن هتخفوني
هتسمعني وغصب عن عنيك الجوز علي دماغك هترفعني
انا الناس اللي عاشت تحت خط الفقر
وانا الناس اللي ماتت وملتقتش القبر
فسيبك ماللي بيجاملك واللي بيهيص
وركزلي واسمع كلمتي كويس
انا الثورة اللي عملة منك الريس
الرئيسية 
الثلاثاء 25 يونيو 2013, 11:53 pm
